KUZOLUNGISWA UMGWAQO EMAGQIBAGQIBA

Isithombe: Kwethulwe usonkontileka ozolungisa umgwaqo eMagqibagqiba. Isithombe sithunyelwe.

ABANTU baseMagqibagqiba KwaMaphumulo, sebezojabulela umgwaqo ongcono kulandela ukuqala kohlelo lokuwulungisa, okuzophinde kuvulele abantu bakule ndawo amathuba emisebenzi.Lokhu kuvezwe ngesikhathi uMeya waseMaphumulo, uKhansela Zibuyisile Khuzwayo-Dlamini, ehambisana nekhansela lakuWadi 12, uKhansela F.B. Khuzwayo, kanye nobuholi bendabuko, behlangana nomphakathi wesigodi saseMati ngenhloso yokwethula usonkontileka ozokwenza lo msebenzi.Lo mgwaqo iMagqibagqiba ubude bawo obulinganiselwa ku-1.3km, kanti umsebenzi uzohlanganisa ukwakhiwa komgwaqo owubhuqu kanye nokusetshenziswa kukakhonkolo kwezinye izingxenye.Okunye okuzuzisa umphakathi wukuthi lo msebenzi kulindeleke ukuthi udale amathuba emisebenzi ayisishiyagalombili kubantu bakule ndawo, okuyinto ezosiza imindeni ethola amathuba okuziphilisa.Ukulungiswa kwalo mgwaqo kuza phakathi kwezinhlelo zikaMasipala zokuthuthukisa ingqalasizinda nokwenza ngcono izinsiza emiphakathini yasemakhaya. UMasipala wakwaMaphumulo uyindawo egxile kakhulu emiphakathini yasemakhaya, kanti ingqalasizinda yemigwaqo ibalulekile ekuxhumaniseni izakhamizi nezinsiza, ezimakethe kanye namathuba omnotho.Amarekhodi asemthethweni kaMasipala akhombisa ukuthi ithenda yokwakhiwa komgwaqo iMagqibagqiba ekuwadi 12 yavulwa ngomhlaka-21 Julayi 2026, okuyingxenye yezinhlelo zengqalasizinda ezazithuthukiswa kulo nyaka.UKhansela Khuzwayo-Dlamini uthe ukubandakanywa komphakathi kanye nokuqashwa kwabantu bendawo kubalulekile ukuze izinzuzo zentuthuko zifinyelele ngqo kubahlali.