Uzophatha ihlandla lesibili ukhomishana wamaphoyisa KwaZulu-Natal

Isithombe: ULieutenant General Nhlanhla Mkhwanazi iKhomishana Wamaphoyisa KwaZulu-Natal Intatheli yaSivubela Intuthuko Uphiko lwamaPhoyisa aseNingizimu Afrik...

Isithombe: ULieutenant General Nhlanhla Mkhwanazi iKhomishana Wamaphoyisa KwaZulu-Natal Intatheli yaSivubela Intuthuko Uphiko lwamaPhoyisa aseNingizimu Afrika (SAPS) seluqinisekise ukuqokwa kabusha kukaLieutenant Nhlanhla Mkhwanazi njengoKhomishana wamaphoyisa KwaZulu-Natal ngaphansi kwekhontileka yeminyaka emihlanu. Lesi sinqumo silandela ukubonisana noNdunankulu waKwaZulu-Natal, uMnuz Thami Ntuli, ngenhloso yokuqhubeka nokugcina uzinzo nokulwa nobugebengu esifundazweni. UMkhwanazi uqokwe kabusha ngesikhathi egqamile ngobuholi obuqinile ekulweni nibugebengu obuhleliwe, ukubulawa kwabantu kanye nezimpi zamaqembu ezigebengu esifundazweni. UKhomishana Kazwelonke wamaphoyisa, uGeneral Fannie Masemola, ufisela uLieutenant uGeneral Nhlanhla Mkhwanazi okuhle njengoba eqhubeka nokuhlinzeka ngobuholi obuqinile, ukuzinza kanye nokuthatha izinqumo eziqondile KwaZulu-Natal.