UMasipala wase Mandeni, ngaphansi kobuholi buka Meya, uKhansela Thabani Mdlalose, usebenzise usuku lomhlaka 19 kuAugust 2025 ukubuyela emphakathini ngezindlela ezahlukene ngenhloso yokuqinisekisa ukuthi zonke izinhlaka zithola ukuhlinzekwa ngezidingo ngendlela efanele.

EZEMFUNDO: Kusingathwe i-Career Expo eMacambini MultiPurpose Hall, izikhungo zemfundo ephakeme bezizokwenza izethulo ngemikhakha eziyihlinzekayo Kanye nezindlela zokufaka izicelo zokufunda kubafundi baka Matikuletsheni bezikole ezingaphansi kwezigceme ezise Macambini (Ward 01, 02, 03, 08 & 09). Ihhovisi labantu abasha eMandeni Kanye nophiko lomtapo wolwazi babenisikhathi sokwenza izethulo ngezinhlelo abanazo ukulekelela abafundi. Lamahhovisi ayatholakala ku 0324568200 kwabafisa ukuthola ulwazi olubanzi.

EZAMABHIZINISI: UMasipala ubambisene nabakwa SEDFA badlulisele uxhaso kobanikazi bama Spaza Shops ngenhloso yokubalekelela ukuze bezokwazi ukuqhuba amabhizinisi abo Kanye nokuncintisana ngokwamanani nezitolo ezinkulu. Loluxhaso lwamukelwe ngezandla ezifudumele ngabahlomulile kulona. Ngemininingwane ngoxhaso olufuze lolu, ungashayela ku 0324568200 ucele ihhovisi lomnyango wezokuthuthukiswa kwamabhizinisi amancane.

EZABANTU BESIFAZANE: ESibusiswe Hall, kusingathwe umcimbi wokubungaza inyanga yabantu besifazane, lomcimbi ubuye wasetshenziswa njengesigcawu sezinkulumo ezakhayo, umculo Kanye nokundlalela abantu besifazane ngamathuba ahlukene okuziphilisa.

UKUBUYELA EMPHAKATHINI: KwaNgced’omhlophe Sorts Ground, kube nomhlangano wokuthekela ulwazi lokusinga umsebenzi, izithameli bezicijwa ngezindlela zokugcwalisa ama-forms okufaka izicelo zomsebenzi nezindlela zokuhlela i-CV ngendlela yesimanje-manje