Isithombe: Zitholane phezulu emdlalweni yokukhumbula iqhwawe lomzabalazo. Izithombe zithunyelwe.

Kube nomoya omuhle wokuncintisana ngesikhathi kunemidlalo enhlobonhlobo ebihlelwe yiLuthuli Museum, enkundleni yemidlalo yesikole samabanga aphezulu iStanger njengengxenye yemidlalo yokukhumbula iNkosi uChief Albert Luthuli.

Lo mcimbi ubuhlanganise imidlalo efana nebhola lezinyawo, inetball, ezokusubatha kanye nombukiso wokugwedla ngaphakathi (indoor rowing). Amaqembu nabadlali abahlikene bathole ithuba lokuncintisana nokuzibandakanya kwezemidlalo.

Lo mqhudelwano wenziwe waba yimpumelelo ngokubambisana kwezinhlaka ezahlukene okubalwa uMasipala wakwaDukuza, iEnterprise iLembe, kanye noMnyango wezeMidlalo, ubuCiko namaSiko KwaZulu-Natal.

Ekupheleni komqhudelwano, abaphumelele kuzo zonke izinhlabo zemidlalo baklonyaka ngezindebe njengokubonga ukusebenza kahle nokukhuthaza ukuqhubeka nokuzibandakanya kwezemidlalo emphakathini.